वाशिम : शेतीच्या वादातून जन्मदात्या आईलाच ट्रॅक्टरखाली टाकलं, मालेगावमधील धक्कादायक प्रकार

शेतीच्या वादातून जन्मदात्या आईलाच ट्रॅक्टरखाली झोपवल्याची घटना वाशिम जिल्ह्यात घडलीय. मालेगाव तालुक्यातील मुंगळा या गावात २१ तारखेला पेरणीच्या वादातून दोन गटात तुफान बाचाबाची झाली. कैलास दळवी हे शेतात पेरणी करत असताना राऊत कुटुंब तिथं ट्रॅक्टर घेऊन आले. त्यावेळी दळवी यांनी त्यांना अडवण्यासाठी आपल्या आईलाच ट्रॅक्टरखाली झोपवलं. त्यानंतर राऊत कुटुंबानं कैलास दळवी आणि त्यांच्या पत्नीला झाडाला बांधलं. गेल्या ४० वर्षांपासून दळवी आणि राऊत कुटुंबात शेतीवरुन वाद सुरु आहे. या प्रकाराचा व्हीडिओ सध्या चांगलाच व्हायरल होतोय. दरम्यान, दोन्ही कुटुंबांनी एकनेकांविरोधात गुन्हा दाखल केलाय.