MCA : गावस्कर आणि वेंगसरकर यांच्या गौरव सोहळ्यात भारत-पाक सामन्यावर शरद पवारांची प्रतिक्रिया

भारताचे महान सलामीवीर सुनील गावस्कर यांच्या कसोटी पदार्पणाला पन्नास वर्षे झाल्यानिमित्त मुंबई क्रिकेट असोसिएशनच्या वतीनं शुक्रवारी त्यांचा गौरव करण्यात आला. आयसीसीचे माजी अध्यक्ष शरद पवार आणि मुख्यमंत्री उद्धव ठाकरे यांच्या उपस्थितीत गावस्कर यांना वानखेडे स्टेडियमवर कायमस्वरुपी कक्ष भेट देऊन त्यांचा गौरव करण्यात आला. त्याचवेळी भारताचे माजी कर्णधार दिलीप वेंगसरकर यांच्या नावानं वानखेडे स्टेडियमवर एका स्टँडचंही उद्घाटन करण्यात आलं. भारताच्या या दोन माजी कर्णधारांच्या गौरव सोहळ्याला गुंडाप्पा विश्वनाथ आणि सचिन तेंडुलकर या महान फलंदाजांची उपस्थितीही या सोहळ्याचं वैशिष्ट्य ठरली. पाहुयात याच कार्यक्रमातील मान्यवरांची भाषणातील काही किस्से.