IND VS SA : दक्षिण आफ्रिकेचं भारताला 288 धावांचं आव्हान, Team India केपटाऊनमध्ये प्रतिष्ठा राखणार?

क्विंटन डी कॉकच्या शतकी खेळीच्या जोरावर दक्षिण आफ्रिकेनं भारतासमोर २८८ धावांचं आव्हान ठेवलंय. केपटाऊनच्या या अखेरच्या वन डेत दक्षिण आफ्रिकेनं ४९.५ षटकात सर्व बाद २८७ धावांची मजल मारली. दक्षिण आफ्रिकेचा सलामीवीर डी कॉकनं १३० चेंडूत १२ चौकार आणि दोन षटकारांसह १२४ धावांची खेळी केली. डी कॉकच्या वन डे कारकीर्दीतलं हे १७वं शतक ठरलं. त्यानं वॅन डर ड्यूसेनसह चौथ्या विकेटसह १४४ धावांची महत्वाची भागीदारी साकारली. ड्यूसेननं ५२ धावांचं योगदान दिलं. त्यानंतर आलेल्या डेव्हिड मिलरनंही ३९ धावा केल्या. भारताकडून प्रसिद्ध कृष्णाला तीन तर जसप्रीत बुमरा आणि दीपक चहरनं प्रत्येकी दोन विकेट्स घेतल्या.