संभाजी भिडे गुरुजींच्या सन्मानार्थ सांगलीसह राज्याच्या विविध भागात मोर्चे

भारिप बहुजन महासंघाच्या एल्गार परिषदेला  शिवप्रतिष्ठानतर्फे राज्यभरात सन्मान मोर्चानं उत्तर देण्यात येतंय. सांगलीत मोर्चासाठी मोठ्या प्रमाणात शिवप्रतिष्ठानचे कार्यकर्ते जमायला सुरुवात झालीये. काही वेळातच सांगलीत मोर्चाला सुरुवात होईल. तर पुण्यातही थोड्याच वेळात मोर्चाला सुरुवात होणार असल्याने पोलिसांचा कडेकोट बंदोबस्त बघायला मिळतोय. तर दुसरीकडे नागपूरमध्ये शिवराज्याभिषेक सोहळा समितीने महाल मधल्या शिवाजी चौकात आंदोलन केलं. यावेळी दंगली मागच्या खऱ्या आरोपींना अटक करण्याची मागणी करण्यात आली. महाराष्ट्रातील विविध शहरांमध्ये संभाजी भिडे यांच्या समर्थनासाठी मोर्चे काढले जाणार आहेत.