WEB EXCLUSIVE | निवडुंगापासून बायोमिथेन गॅसची निर्मिती, DIPEX 2020 प्रदर्शनात विद्यार्थ्याचा प्रयोग

अखिल भारतीय विद्यार्थी परिषद आणि सृजन ट्रस्ट यांच्या संयुक्त विद्यमाने दिनांक 6 ते 9 मार्च 2020 दरम्यान संगमेश्वर महाविद्यालयाच्या मैदानावर "डीपेक्स -2020" या राज्यस्तरीय प्रकल्प प्रदर्शनाचे आयोजन करण्यात आले होते. या प्रदर्शनात महाराष्ट्र आणि गोव्यातील जवळपास 265 प्रकल्प सादर करण्यात आले होते. कृषी व जैव तंत्रज्ञान महाविद्यालयातील विद्यार्थ्यांनी या प्रदर्शनात दुष्काळी शेतकऱ्यांसाठी एक भन्नाट कल्पना सुचवली आहे. निवडुंग अर्थात कॅक्टसची लागवड करून त्या पासून बायोमिथेन गॅसची निर्मिती कशी शक्य हा प्रयोग सादर केला आहे.