Sangli | सांगली शहरात नववर्षाची सुरुवात तोडफोड, जाळपोळीने; दोघांना अटक | ABP Majha

सांगली शहरातील 100 फुटी रोड परिसरात नवीन वर्षाची सुरुवात तोडफोड, जाळपोळीनं झाली. चारचाकी वाहने पेटवून, तोडफोड केल्याचा धक्कादायक प्रकार या परिसरात घडला आहे. दोन चारचाकी वाहने पेटवून सुमारे 15 ते 20 वाहनांची तोडफोड करण्यात आली आहे. शहरातील 100 फुटी रोडवर घडलेला हा सगळा प्रकार सीसीटीव्हीमध्ये कैद झाला आहे. नवीन वर्षाच्या पहिल्याच दिवशी घडलेल्या या घटनेमुळे खळबळ उडाली आहे. याप्रकरणी चौघांविरोधात गुन्हा दाखल झाला असून दोघांना पोलिसांनी ताब्यात घेतलं आहे.