Dia Mirza Controversy : 'दीया'वरून घमासान कोर्टानं उपटले कान Special Report
फटाकेमुक्त दिवाळीचा संदेश देणारा दीया मिर्झाचा व्हिडिओ आणि त्यावरून उफाळलेला वाद सलग दुसऱ्या दिवशी चर्चेत राहिला. सोमवारी मुंबई भाजप अध्यक्ष अमित साटम यांनी घेतलेल्या आक्षेपानंतर हा व्हिडिओ बीएमसीच्या हँडलवरून डीलिट करण्यात आला होता. आज मुंबई उच्च न्यायालयानं या प्रकारावर ताशेरे ओढत व्हिडिओ पुन्हा अपलोड करण्याचे आदेश दिलेत. बघूया, आज नेमकं काय घडलं याचा आढावा घेणारा हा स्पेशल रिपोर्ट.
अभिनेत्री दीया मिर्झाचा हा व्हिडिओ आता पुन्हा एकदा मुंबई महापालिकेच्या हँडलवर अपलोड होणार आहे.
वास्तविक, सोमवार सकाळपर्यंत हा व्हिडिओ तिथे होताच.
पण त्यानंतर भाजपचे मुंबई अध्यक्ष अमित साटम यांची नजर त्यावर पडली.
हा व्हिडिओ बघून त्यांचा संताप झाला.
आपला संताप त्यांनी ट्विटरवर व्यक्त केला आणि काही वेळातच हा व्हिडिओ बीएमसीच्या हँडलवरून डीलिट झाला.
पण या प्रकाराला २४ तास उलटायच्या आत मुंबई उच्च न्यायालयानं या प्रकाराची दखल घेतली आणि व्हिडिओ पुन्हा अपलोड करण्याचे आदेश दिले.
आपल्या आदेशात हायकोर्टानं नेमकं काय म्हटलं, ऐका.
दीया मिर्झाचा डीलिट केलेला व्हिडीओ पुन्हा शेअर करा
काही नेत्यांच्या वक्तव्यामुळे आम्ही खूप व्यथित झालो
भाजप धर्मनिरपेक्ष देश आहे, हे वक्तव्ये करणाऱ्यांनी लक्षात घ्यावं
आमच्या आदेशांची पर्वा न करता नेतेमंडळी बोलली
आमच्या आदेशांना भलताच अँगल देत बसू नये
दीयानं खूप छान संदेश दिला, पण त्यानंतर जे घडलं ते व्यथित करणारं होतं
पर्यावरणाशी संबंधित मुद्द्याला दुसरे रंग देऊ नका
All Shows
































