Sharad Pawar करणार ब्राह्मण संघटनांशी चर्चा, मात्र ब्राह्मण महासंघानं नाकारलं निमंत्रण

राष्ट्रवादी काँग्रेसचे अध्यक्ष शरद पवार आज राज्यभरातील ब्राह्मण संघटनांशी पुण्यात चर्चा करणार आहेत. पुण्यातल्या निर्मल मंगल कार्यालयात संध्याकाळी ५ वाजता ही बैठक होणार असून त्यासाठी विविध ब्राह्मण संघटनांना निमंत्रित करण्यात आलंय. मात्र ब्राह्मण महासंघ आणि परशुराम सेवा संघानं चर्चेचं निमंत्रण नाकारलं आहे. मनसे अध्यक्ष राज ठाकरे यांनी राष्ट्रवादी काँग्रेसवर जातीयवाद पसरवल्याचा आरोप केला होता. त्यानंतर पवार ब्राह्मणविरोधी असल्याची मतं सोशल मीडियावरून व्यक्त केली जातायत. या पार्श्वभूमीवर पवार यांची आज ब्राह्मण संघटनांशी होणारी चर्चा महत्त्वाची आहे.