Reservation Row : 'Jarange Patil यांना Sharad Pawar, Ajit Pawar चावी देतात', Laxman Hake यांचा थेट आरोप

बीडमध्ये आयोजित ओबीसी महाएल्गार सभेत (OBC Mahaelgar Sabha) राष्ट्रवादी काँग्रेसचे आमदार विजयसिंह पंडित (Vijaysinh Pandit) आणि ओबीसी नेते लक्ष्मण हाके (Laxman Hake) यांच्यात जोरदार शाब्दिक चकमक झाली. 'जरांगींना चावी कोण देतंय? मग शरद पवार (Sharad Pawar) देतायत, अजित पवार (Ajit Pawar) देतायत', असा गंभीर आरोप लक्ष्मण हाके यांनी केला. स्थानिक स्वराज्य संस्थांच्या निवडणुकांच्या पार्श्वभूमीवर काही लोक समाजात विष पेरत असल्याचा आरोप पंडित यांनी केला होता. यावर उत्तर देताना, 'तुम्ही काय आंबे पेरलेत का?' असा प्रतिप्रश्न हाके यांनी केला. आम्ही चार्जिंगवर चालणारे बाहुले असू, तर जरांगे कोणाच्या चावीवर चालतात, असा सवालही त्यांनी उपस्थित केला. दोन्ही नेत्यांमधील या आरोप-प्रत्यारोपांमुळे बीडमधील राजकीय वातावरण चांगलेच तापले आहे.