Nitesh Rane | हे कसली तक्रार करतात, यांनी लोकांचे छळ केले; अनिल परब VS नितेश राणे यांच्यात खडाजंगी

Nitesh Rane | हे कसली तक्रार करतात, यांनी लोकांचे छळ केले; अनिल परब VS नितेश राणे यांच्यात खडाजंगी

Anil Parab Vs Nitesh Rane : शिवसेना ठाकरे गटाचे नेते आमदार अनिल परब यांनी संभाजीराजेंचा धर्म बदलण्यासाठी छळ झाला, माझा पक्ष बदलण्यासाठी छळ झाला, मला ईडी, सीबीआयच्या नोटीस आल्या असे वक्तव्य केल्यानंतर आज सत्ताधाऱ्यांकडून विधानपरिषदेत जोरदार राडा करण्यात आला. यावेळी नितेश राणे यांनी अनिल परब यांच्यावर जोरदार टीका केल्यानंतर अनिल परब यांनीही जोरदार पलटवार करत प्रत्युत्तर दिले. या वादात सभागृहाचे कामकाज तीनदा तहकूब करण्यात आले. वेलमधे उतरून अनिल परब यांच्या विरोधात सत्ताधाऱ्यांकडून घोषणाबाजी करण्यात आली.

कल्लू मामा गप्प बस, मातोश्रीची फरशी चाटतो 

नितेश राणे यांनी बोलताना अनिल परब यांच्या वादाचा संदर्भ मातोश्रीशी जोडला. ते म्हणाले की, महाविकास आघाडीची सत्ता असताना यांनी लोकांची घरे तोडली. कारकुनाचा कोणी छळ करू शकत नाही. यांनी केंद्रीय मंत्र्याला अटक केली. जैसी करणी वैसी भरणी आहे. मातोश्रीची फरशी चाटायच काम यांनी केलं. मातोश्री बाहेर झोपण्याचं यांनी काम केलं. यांना दाखवायचं आहे आपण किती शूर आहोत ते. यानंतर अनिल परब यांनी पलटवार करत जोरदार प्रत्युत्तर दिले.