अग्निप्रतिबंधक यंत्रणा सक्षम नसलेल्या सोसायट्यांवर कायदेशीर कारवाई, अविघ्न पार्क दुर्घटनेनंतर पालिकेला जाग

मुंबईच्या (Mumbai) लालबागमधील (Lalbaug) करी रोड रेल्वे स्टेशनजवळ वन अविघ्न पार्क या इमारतीला (Avighna Park Building) काल दुपारी 12 वाजताच्या सुमारास आग (Fire) लागली होती. लालबागमधील सर्वात उंच इमारतींपैकी एक असणारी ही इमारत 60 मजल्यांची असून 19व्या मजल्यावर ही आग लागली आहे. या घटनेनंतर संपूर्ण परिसरात एकच खळबळ माजली. दरम्यान या दुर्घटेनेमध्ये येथील एका सुरक्षारक्षकाचा दुर्देवी अंत झाला आहे. या आगीपासून वाचण्यासाठी सुरक्षारक्षक चक्क बाल्कनीला लटकला. मात्र, हात सुटल्याने तो खाली पडला. ज्यामुळे त्याचा मृत्यू झाला आहे.