Thane Private Hospital | ठाण्यात 4 खासगी रुग्णालयांत गरीब,गरजूंना मोफत उपचार

ठाण्याच्या सफायर, होरायझन प्राईम, वेदांत आणि कौशल्या या ४ खासगी रुग्णालयांमध्ये गरीब आणि मध्यमवर्गीय लोकांना कोरोनावर मोफत उपचार देण्याचा निर्णय घेण्यात आलाय. पालक मंत्री एकनाथ शिंदे, ठाण्य़ाचे महापौर नरेश म्हस्के आणि मनपा आयुक्त विजय सिंगल यांनी यांच्या बैठकीत हा निर्णय घेण्यात आला.  पंतप्रधान जन आरोग्य योजना आणि महात्मा ज्योतिबा फुले जन आरोग्य योजना यांच्या अंतर्गत अशा रुग्णांवर उपचार केले जातील. यामध्ये पिवळे आणि केशरी रेशन कार्ड धारक तसेच मध्यमवर्गीय रुग्णांना मोफत उपचार आणि जेवण देण्याची सोय करण्यात आली आहे. ठाण्यातील खाजगी रुग्णालयांमध्ये लाखोंची बिलं आकारण्याच्या अनेक केसेस समोर आल्या होत्या त्याच पार्श्वभूमीवर आज झालेल्या बैठकीत हा निर्णय घेण्यात आला.