Navy Nagar Case : नेव्ही नगर प्रकरणाला धक्कादायक वळण; जवानाच्या पत्नी आणि मुलाचा घातपात, नंतर स्वत:लाही संपवलं
Navy Nagar Sailor Family Death : मुंबईतील नेव्ही नगर येथील सामूहिक मृत्यू प्रकरणाला नवे वळण मिळाले आहे. नौदल जवान पुरणमल मेहरा याने पत्नी व दोन मुलांना संपवल्याचं शवविच्छेदन अहवालातून उघड झाले आहे.
Navy Nagar Case Update : मुंबईतील कुलाबा येथील नेव्ही नगरमधील सामूहिक मृत्यू प्रकरणाचा प्राथमिक शवविच्छेदन अहवाल समोर आला असून या घटनेला धक्कादायक वळण मिळाले आहे. नौदलातील जवान पुरणमल मेहरा यानेच आपली पत्नी ओमा आणि दोन लहान मुलांना संपवल्यानंतर स्वतःलाही संपवल्याचे तपासात निष्पन्न झाले आहे. पत्नी आणि मुलांचा मृत्यू नैसर्गिक नसून घातपात असल्याचे फॉरेन्सिक अहवालात स्पष्ट झाले आहे.
तपासादरम्यान मिळालेल्या माहितीनुसार, पुरणमलने पत्नी ओमा आणि दोन महिन्यांचा चिमुकला मुलगा दर्श यांना उशीने तोंड दाबून श्वास गुदमरवून संपवलं. तर मोठा मुलगा यश याला विषारी औषध देऊन मारल्याचा संशय व्यक्त केला जात आहे. यानंतर पुरणमलने हॉलमध्ये स्वतःच्या गळ्याला नायलॉनचा दोर लावला.
Navy Nagar Crime Details : घटनेपूर्वी वडिलांना पाठवला व्हॉट्सॲप मेसेज
या भीषण हत्याकांडापूर्वी 14 ऑगस्टच्या रात्री 11 वाजेच्या सुमारास पुरणमलने आपल्या वडिलांना "आमचे मृतदेह घेऊन जा" असा धक्कादायक व्हॉट्सॲप मेसेज पाठवला होता. 15 ऑगस्टच्या सकाळी वडिलांनी हा मेसेज पाहिल्यानंतर तात्काळ नौदल नियंत्रण कक्षाशी संपर्क साधून माहिती दिली. घटनेचे गांभीर्य लक्षात घेत पोलिसांनी घटनास्थळी धाव घेतली तेव्हा चौघांचेही मृतदेह आढळून आले.
Navy Nagar Forensic Investigation : मोबाईल डेटा फॉरमॅट आणि पोलिसांचा तपास
तपासात आणखी एक महत्त्वाची बाब समोर आली आहे. पुरणमलने टोकाचे पाऊल उचलण्यापूर्वी स्वतःचा आणि पत्नीचा मोबाईल पूर्णपणे फॉरमॅट केला होता. डिलीट केलेला डेटा रिकव्हर करण्यासाठी पोलिसांनी दोन्ही मोबाईल फॉरेन्सिक लॅबमध्ये पाठवले आहेत. सध्या कफ परेड पोलीस ठाण्यात पुरणमलविरोधात हत्येचा गुन्हा दाखल करण्याची प्रक्रिया सुरू आहे.
Navy Nagar Family Dispute : मानसिक अस्वस्थता आणि कौटुंबिक वाद
पुरणमल याच्यावर नौदलाच्या 'INHS अश्विनी' रुग्णालयात उपचार सुरू होते आणि तो आजारी रजेवर होता. कौटुंबिक वाद, आर्थिक तणाव आणि मानसिक आजारपणातून ही घटना घडल्याचा प्राथमिक अंदाज आहे. काही महिन्यांपूर्वी पुरणमलचे वडील आणि सासरे त्याला समजवण्यासाठी मुंबईत आले होते. त्यावेळी झालेल्या वादात त्याने पत्नीचा मोबाईल जमिनीवर आदळला होता, अशी माहितीही समोर आली आहे.
Navy Nagar Police Statement : आठ जणांचे जबाब नोंदवले
याप्रकरणी पोलिसांनी आतापर्यंत आठ जणांचे अधिकृत जबाब नोंदवले आहेत. यामध्ये पुरणमलचा भाऊ, त्याच्यावर उपचार करणारे डॉक्टर, घरातील मोलकरीण आणि मित्रांचा समावेश आहे. पोलीस सर्व बाजूंनी या प्रकरणाचा सखोल तपास करत आहेत.
ही बातमी वाचा:
महत्त्वाच्या बातम्या
