Andheri Gokhale Bridge : गोखले पुलाच्या कामातील अडथळे दूर, 13 घरं जमीनदोस्त

मुंबईतील अंधेरी परिसरातील गोखले पुलाच्या कामात अडथळा निर्माण करणारी १३ घरं आज पाडण्य़ात आली. यापैकी ९ घरं भरपाईसाठी अपात्र होती, तर चार घरमालकांना प्रकल्पग्रस्तांसाठी राखीव असलेली घरं देण्यात आली. गोखले पुलाचं काम गेल्या अनेक दिवसांपासून युद्धपातळीवर सुरू आहे. मात्र या १३ घरांमुळे क्रेनला फिरण्यासाठी पुरेशी जागा नव्हती. कारण या क्रेनला फिरण्यासाठी १५ मीटरची जागा लागते. मात्र अनधिकृत घरांमध्ये तसं करणं शक्य होत नव्हतं, आणि त्यामुळे कामाचा काही भाग ठप्प होता.