Vasai Covid Hospital Fire | रुग्णालयातील आगीत 13 रुग्णांचा मृत्यू, नातेवाईकांचा आक्रोश

वसईमधील कोविड रुग्णालयाच्या अतिदक्षता विभागात लागलेल्या भीषण आगीत तब्बल 13 रुग्णांचा मृत्यू झाला. विरारमधील विजय वल्लभ रुग्णालयातील अतिदक्षता विभागात ही आग लागली होती. या रुग्णालयातील अतिदक्षता विभागात एकूण 17 रुग्णांवर उपचार सुरु होते. त्यापैकी 13 रुग्णांना आपले प्राण गमवावे लागले. दरम्यान, आगीवर नियंत्रण मिळवण्यात अग्निशमन दलाला आता यश आलं आहे. या दुर्घटनेनंतर रुग्णालयाबाहेर रुग्णांचा आक्रोश पाहायला मिळत आहे.