Daya Dongre Passed Away : ज्येष्ठ अभिनेत्री दया डोंगरे यांचं निधन, मराठी चित्रपटसृष्टीवर शोककळा

मराठी चित्रपट, नाट्य आणि मालिका विश्वातील ज्येष्ठ अभिनेत्री दया डोंगरे यांचे वृद्धापकाळाने निधन झाले आहे. त्या ८५ वर्षांच्या होत्या. आपल्या अभिनय कौशल्याच्या जोरावर त्यांनी मराठी रंगभूमी, चित्रपट आणि मालिकांमधून प्रेक्षकांच्या मनावर राज्य केले. 'खट्याळ सासू नाठाळ सून', 'चार दिवस सासूचे', 'नवरा मिळे नवऱ्याला', 'उंबरठा' यांसारख्या मराठी आणि 'नामचीन', 'दौलत की जंग' या हिंदी चित्रपटांमधील त्यांच्या भूमिका विशेष गाजल्या. 'स्वामी' सारख्या लोकप्रिय मालिकेमुळे त्या घराघरात पोहोचल्या. अमरावतीत जन्मलेल्या डोंगरे यांनी दिल्लीतील 'नॅशनल स्कूल ऑफ ड्रामा' (NSD) येथे अभिनयाचे शिक्षण घेतले होते. त्यांच्या निधनाने मराठी मनोरंजनसृष्टीवर शोककळा पसरली आहे.