Voter List Row:'निवडणूक होऊ द्यायची की नाही हे ठरवू',Thackeray यांचा Election Commission ला इशारा

ठाकरे गटाचे (Shiv Sena UBT) प्रमुख उद्धव ठाकरे (Uddhav Thackeray) यांनी बोगस मतदारांच्या (Bogus Voters) मुद्द्यावरून निवडणूक आयोगाला (Election Commission) थेट इशारा दिला आहे, आणि याविरोधात १ नोव्हेंबर रोजी मुंबईत 'सत्याचा मोर्चा' आयोजित केला आहे. ‘निवडणूक आयोगाला परत सांगतो चुका दुरुस्त केल्याशिवाय तुम्हाला निवडणूक घेता येणार नाही,’ असे उद्धव ठाकरे यांनी निर्धार मेळाव्यात म्हटले आहे. ठाकरे गटाने एक टीझर जारी करून लोकशाही वाचवण्यासाठी खऱ्या मतदारांनी या मोर्चात सहभागी व्हावे, असे आवाहन केले आहे. या मोर्चात महाविकास आघाडीतील (Maha Vikas Aghadi) इतर पक्ष आणि मनसे (MNS) देखील सहभागी होणार आहेत. जोपर्यंत मतदार याद्यांमधील घोळ दुरुस्त होत नाही, तोपर्यंत राज्यात निवडणुका होऊ देणार नाही, अशी भूमिका विरोधी पक्षांनी घेतली आहे.