Thackeray Reunion: भाऊबीजेला Uddhav-Raj भगिनी जयजयवंतींच्या घरी एकत्र, राजकीय मनोमिलनाची चर्चा!

भाऊबीज सणानिमित्त ठाकरे कुटुंब पुन्हा एकदा एकत्र आले असून, शिवसेना (UBT) पक्षप्रमुख उद्धव ठाकरे आणि मनसे अध्यक्ष राज ठाकरे यांनी त्यांची बहीण जयजयवंती ठाकरे-देशपांडे यांच्या घरी हजेरी लावली. 'आम्ही मराठीच्या मुद्द्यावर एकत्र आलो आहोत आणि भविष्यातही एकत्र राहू,' असे वक्तव्य उद्धव ठाकरे यांनी अलीकडेच केले होते, ज्यामुळे या भेटीला विशेष महत्त्व प्राप्त झाले आहे. या कौटुंबिक सोहळ्यासाठी उद्धव ठाकरे यांच्यासोबत त्यांचे पुत्र आदित्य आणि तेजस ठाकरे हेदेखील उपस्थित होते. गेल्या चार महिन्यांतील ठाकरे बंधूंची ही दहावी भेट असून, आगामी स्थानिक स्वराज्य संस्थांच्या निवडणुकांच्या पार्श्वभूमीवर या भेटींमुळे राजकीय वर्तुळात युतीच्या चर्चांना उधाण आले आहे.