Thackeray Brothers Unite: 'सगळ्यांची चौकशी लावू', MNS चे Avinash Jadhav यांचा इशारा

राज्याच्या राजकारणात उद्धव ठाकरे (Uddhav Thackeray) आणि राज ठाकरे (Raj Thackeray) या ठाकरे बंधूंमध्ये युतीची चर्चा सुरू असताना, ठाण्यात शिवसेनेचे (UBT) राजन विचारे (Rajan Vichare) आणि मनसेचे अविनाश जाधव (Avinash Jadhav) यांनी एकत्र येत महापालिकेविरोधात आंदोलनाची घोषणा केली आहे. 'ज्या दिवशी सत्ता येईल ना, त्या दिवशी या सगळ्यांची चौकशी लावली जाईल आणि या सगळ्यांना कामाला लावलं जाईल,' असा थेट इशारा मनसेचे अविनाश जाधव यांनी दिला आहे. येत्या सोमवारी, १३ ऑक्टोबर रोजी, ठाण्यातील वाहतूक कोंडी, पाणीटंचाई, भ्रष्टाचार आणि रखडलेली विकासकामे या मुद्द्यांवरून महाविकास आघाडी (MVA) आणि मनसे (MNS) संयुक्तपणे ठाणे महापालिकेवर धडक मोर्चा काढणार आहेत. या मोर्चाच्या माध्यमातून शिंदे गटाला आव्हान देण्याची तयारी दोन्ही पक्षांनी सुरू केल्याचे चित्र दिसत आहे.