Sangola Ganpatrao Deshmukh: सांगोल्यात गणपतराव देशमुखांच्या घरावर दारुची बाटली फेकल्याचा आरोप

सांगोल्याचे (Sangola) दिवंगत नेते गणपतराव देशमुख (Ganpatrao Deshmukh) यांच्या नावावरून झालेल्या वादानंतर राजकीय वातावरण तापले आहे. या घटनेनंतर शेतकरी कामगार पक्षाचे (PWP) कार्यकर्ते आक्रमक झाले असून, आज बंदची हाक देण्यात आली आहे. 'घडलेली घटना संतापजनक असून या घटनेस जबाबदार असणाऱ्यांना सोडलं जाणार नाही,' अशी ग्वाही पालकमंत्री आणि भाजप (BJP) नेते जयकुमार गोरे (Jayakumar Gore) यांनी दिली आहे. या प्रकरणी त्यांनी कार्यकर्त्यांना शांतता राखण्याचे आवाहन केले आहे. दुसरीकडे, गणपतराव देशमुख यांचे नातू आणि शेकापचे आमदार बाबासाहेब देशमुख (Babasaheb Deshmukh) यांनी आजचा बंद शांततेत पार पाडण्याचं आवाहन केलं आहे. या घटनेमुळे सांगोला परिसरातील कायदा आणि सुव्यवस्थेचा प्रश्न निर्माण झाला असून, पोलिसांकडून परिस्थिती नियंत्रणात ठेवण्याचे प्रयत्न सुरू आहेत.