State of Emergency: 'हे धोकादायक, जीवघेणे वादळ आहे', New York गव्हर्नर Kathy Hochul यांचा इशारा

अमेरिकेतील न्यूयॉर्क शहरात मुसळधार पावसामुळे पूरस्थिती निर्माण झाली असून जनजीवन विस्कळीत झाले आहे. गव्हर्नर कॅथी हॉचुल (Kathy Hochul) आणि महापौर एरिक ॲडम्स (Eric Adams) यांनी शहरात आणि आसपासच्या परिसरात आणीबाणी जाहीर केली आहे. न्यूयॉर्कचे गव्हर्नर कॅथी हॉचुल यांनी 'हे एक धोकादायक, जीवघेणे वादळ आहे', असा इशारा दिला आहे. शहरात अनेक ठिकाणी विक्रमी पावसाची नोंद झाली, ज्यामुळे भुयारी मार्ग आणि रस्त्यांवर पाणी साचले आहे. लागार्डिया विमानतळावरील एक टर्मिनल बंद करण्यात आले असून अनेक उड्डाणे रद्द झाली आहेत. ब्रुकलिनमध्ये एका इमारतीच्या तळघरात पाणी शिरल्याने एका व्यक्तीचा मृत्यू झाल्याचे अधिकाऱ्यांनी सांगितले. अनेक गाड्या पाण्यात अडकल्या असून, बचाव कार्य वेगाने सुरू आहे.