ST Strike : न्यायालयाच्या आदेशानंतर आतापर्यंत 70 हजार कर्मचारी कामावर रूजू

गेले साडेपाच महिने ठप्प असलेली गावोगावची एसटी वाहतूक अखेर सुरु होतेय. न्यायालयाच्या आदेशानंतर आतापर्यंत ७० हजार कर्मचारी कामावर रूजू झालेत. उच्च न्यायालयानं २२ एप्रिलपर्यंत कामावर हजर होण्याचे आदेश संपकरी एसटी कर्मचाऱ्यांना दिले होते. पुढच्या दोन दिवसांत उर्वरित कर्मचारी कामावर रूजू होण्याची शक्यता आहे. त्यामुळे शुक्रवारपासून लालपरी गावखेड्यात पुन्हा पूर्ण क्षमतेनं धावणार आहे. नोव्हेंबर महिन्यापासून एसटी कामगारांनी संप पुकारल्यानं राज्याची जीवनवाहिनी ठप्प झाली होती.