Pramilatai Medhe Demise | प्रमिलाताईताईंच्या जाण्यानं संघात मोठी पोकळी Special Report

राष्ट्रसेविका समितीच्या माजी संचालिका प्रमिलाताई मेढे यांचे वयाच्या शहाण्णव व्या वर्षी वृद्धापकाळानं निधन झाले. ज्या काळात महिलांना घराबाहेर जाऊन काम करणे कठीण होते, त्या काळात त्यांनी देशपातळीवर राष्ट्रसेविका समितीच्या कार्याचा विस्तार केला. २००६ ते २०१२ पर्यंत त्या राष्ट्रसेविका समितीच्या मुख्य संचालिका होत्या. १९७८ ते २००३ पर्यंत पंचवीस वर्षे अखिल भारतीय प्रमुख कार्यवाहिका म्हणून त्यांनी काम पाहिले. राष्ट्रसेविका समितीच्या स्थापनेपासून त्यांनी कार्य केले. ईशान्येकडील राज्यांमध्ये कठीण परिस्थितीतही त्यांनी आपल्या कार्याची छाप सोडली. सरसंघचालक मोहन भागवत आणि संघाचे इतर अधिकारी यांनी नागपुरातील अहिल्या मंदिरात त्यांना श्रद्धांजली वाहिली. त्यांच्या निधनाने संघ परिवारात कधीही भरुन न निघणारी पोकळी निर्माण झाली आहे. त्यांनी निष्ठापूर्वक केलेल्या कार्यामुळे परिश्रम, तपस्या आणि समर्पणाचे आदर्श निर्माण झाले. मृत्यूनंतर देहाचा उपयोग व्हावा यासाठी त्यांनी देहदानाचा निर्णय घेतला होता. त्यानुसार उद्या नागपूर एम्स रुग्णालयात हे देहदान पार पडेल.