Fort Politics: 'गडकिल्ल्यांवर Namo Center बांधल्यास फोडून टाकू', Raj Thackeray यांचा Eknath Shinde सरकारला इशारा

मनसे अध्यक्ष राज ठाकरे (Raj Thackeray) आणि मुख्यमंत्री एकनाथ शिंदे (Eknath Shinde) यांच्यात 'नमो टुरिझम सेंटर'च्या मुद्द्यावरून वाद पेटला आहे. 'मुख्यमंत्रीपदासाठी किती लाचारी करायची?', असा थेट सवाल राज ठाकरे यांनी एकनाथ शिंदे यांना विचारला आहे. छत्रपती शिवाजी महाराजांच्या शिवनेरी (Shivneri), रायगड (Raigad), राजगड (Rajgad) यांसारख्या किल्ल्यांवर एकही 'नमो सेंटर' (Namo Center) उभं केल्यास ते फोडून टाकू, असा थेट इशारा राज ठाकरे यांनी सरकारला दिला आहे. ठाकरे यांच्या या आक्रमक भूमिकेनंतर शिंदे गट आणि भाजपने (BJP) प्रत्युत्तर दिलं आहे. राज ठाकरे यांना चुकीची माहिती मिळाली असावी, असं शिवसेनेनं म्हटलं आहे, तर भाजपने या केंद्रांची तुलना पंढरपूरच्या नामदेव पायरीशी करत हे सुविधा केंद्र असल्याचं म्हटलं आहे.