Parth pawar Land Deal: 'चौकशी होणारच', मुख्यमंत्री देवेंद्र् फडणवीसांचा चौकशीचे आदेश

पुणे जमीन व्यवहार (Pune Land Deal) प्रकरणी मुख्यमंत्री देवेंद्र फडणवीस (CM Devendra Fadnavis) यांनी चौकशीचे आदेश दिले असून, या प्रकरणात उपमुख्यमंत्री अजित पवार (Ajit Pawar) यांचे पुत्र पार्थ पवार (Parth Pawar) यांचे नाव समोर आल्याने राजकीय वातावरण तापले आहे. 'प्राथमिक माहितीनुसार प्रकरण गंभीर वाटते,' असे मुख्यमंत्री फडणवीस यांनी म्हटले आहे. दुसरीकडे, खासदार सुप्रिया सुळे (Supriya Sule) यांनी पार्थ पवार यांची पाठराखण करत, 'पार्थ कुठलीही चुकीची गोष्ट करणार नाही', असा विश्वास व्यक्त केला आहे. या प्रकरणी पुण्यातील तहसीलदार सूर्यकांत येवले (Suryakant Yewale) आणि दुय्यम निबंधक रवींद्र तारू (Ravindra Taru) यांना निलंबित करण्यात आले असून, अतिरिक्त मुख्य सचिव विकास खडगे (Vikas Khadge) यांच्या अध्यक्षतेखाली चौकशी समिती स्थापन करण्यात आली आहे. उद्योगमंत्री उदय सामंत (Uday Samant) यांनी आपल्या विभागाने मुद्रांक शुल्कात (Stamp Duty) कोणतीही सवलत दिली नसल्याचे स्पष्ट केले आहे.