Jian Muni Protest: 'जोपर्यंत जीव आहे तोपर्यंत जीवदयासाठी लढू, जैन मुनींचं आजपासून आंदोलन

मुंबईतील दादर (Dadar) येथील कबुतरखाना (Kabutarkhana) बंद केल्याने जैन समाज आक्रमक झाला असून, जैन मुनी निलेशचंद्र विजय (Nileshchandra Vijay) यांनी आझाद मैदान (Azad Maidan) येथे उपोषणास सुरुवात केली आहे. 'जोपर्यंत जीव आहे तोपर्यंत आम्ही जीवदयासाठी लढू', असा थेट इशारा निलेशचंद्र यांनी सरकारला दिला आहे. पालिकेने दिलेल्या चार पर्यायी जागा गैरसोयीच्या असून, त्या ४ ते ९ किलोमीटर लांब असल्याने कबुतर तिथे जाणार नाहीत, असे आंदोलकांचे म्हणणे आहे. दादरचा कबुतरखाना शंभर वर्षे जुना असून ते कबुतरांचे घर आहे आणि त्यांना हक्क मिळवून देणे हे आमचे कर्तव्य आहे, असेही आंदोलकांनी म्हटले आहे. पावसाळ्यात अनेक कबुतरांचा मृत्यू झाल्याचा दावाही त्यांनी केला. हे आंदोलन पूर्णपणे शांतीपूर्वक असेल, असेही स्पष्ट करण्यात आले.