CMST Bag Found :  मुंबईतील CSMT बाहेर संशयास्पद बॅग; परिसरात काही काळ तणाव

मुंबईतील छत्रपती शिवाजी महाराज टर्मिनस (CSMT) च्या बाहेर असलेल्या बस स्टॉपवर आज एक संशयास्पद बॅग आढळून आली. मुंबईच्या या अत्यंत वर्दळीच्या भागात बॅग दिसल्याने लगेचच पोलिसांना बोलावण्यात आले आणि त्यांनी तात्काळ सुरक्षेच्या दृष्टीने परिसर सील केला. सध्या दिल्लीत झालेल्या बॉम्बस्फोटांच्या पार्श्वभूमीवर पोलिसांनी पूर्ण खबरदारी घेतली.

काय झाले?

पोलिसांनी लगेच बॉम्बशोधक आणि नाशक पथकाला (Bomb Detection and Disposal Squad - BDDS)घटनास्थळी बोलावले.
पथकाच्या देखरेखीखाली ती संशयास्पद बॅग उघडण्यात आली.
बॅगची तपासणी केल्यानंतर पोलिसांना दिलासा मिळाला; कारण आतमध्ये कोणतीही संशयास्पद वस्तू आढळली नाही.
या बॅगेत फक्त कपडे आणि काही कागदपत्रे होती.

या घटनेमुळे परिसरात काही काळ तणावाचे वातावरण निर्माण झाले होते, मात्र तपासणीनंतर सर्व काही सुरक्षित असल्याचे स्पष्ट झाले आहे. पोलिस आता ही बॅग कुणाची आहे आणि ती तिथे कशी आली, याचा पुढील तपास करत आहेत.