Nashik Rains : 'द्राक्षाचे Cost of Culture हायर साईडला', सततच्या पावसाने बागायतदार संकटात

नाशिक जिल्ह्यात (Nashik District) अतिवृष्टीमुळे झालेल्या पिकांच्या नुकसानीवर जिल्हा कृषी अधिकारी रवींद्र माने (Ravindra Mane) यांनी माहिती दिली आहे. 'शासनाला एकूण तीनशे सत्तावीस कोटींचा अहवाल कळवलेला आहे,' असे रवींद्र माने यांनी सांगितले. जिल्ह्यात सप्टेंबर महिन्यात झालेल्या अतिवृष्टीमुळे सुमारे तीन लाख हेक्टरवरील पिकांचे पंचनामे पूर्ण झाले आहेत. यामध्ये प्रामुख्याने मका, कांदा, सोयाबीन, डाळिंब आणि द्राक्ष यांसारख्या मुख्य पिकांचे मोठे नुकसान झाले आहे. सततच्या पावसामुळे द्राक्ष बागांची (Grape Farms) परिस्थिती अत्यंत बिकट झाली आहे. वेलींची वाढ खुंटली असून, डाऊनी आणि करपा यांसारख्या रोगांचा प्रादुर्भाव वाढला आहे. यामुळे द्राक्ष उत्पादनाचा खर्च (Cost of Cultivation) मोठ्या प्रमाणात वाढला असून शेतकरी आर्थिक संकटात सापडला आहे.