Namo Tourism Row: 'मुख्यमंत्रीपदासाठी किती लाचारी करणार?', Raj Thackeray यांचा थेट सवाल

मनसे अध्यक्ष राज ठाकरे आणि मुख्यमंत्री एकनाथ शिंदे यांच्यात 'नमो टुरिझम सेंटर'च्या मुद्द्यावरून वाद पेटला आहे. ‘मला स्वतःला मुख्यमंत्री करा, म्हणून किती लाचारी करायची?’, असा थेट सवाल राज ठाकरेंनी एकनाथ शिंदे यांना केला आहे. छत्रपती शिवाजी महाराजांच्या शिवनेरी, रायगड, राजगड यांसारख्या गडकिल्ल्यांवर नमो सेंटर उभारल्यास ते फोडून टाकू, असा इशाराही राज ठाकरेंनी दिला. यावर शिंदे गटाच्या शिवसेनेने आणि भाजपने प्रतिक्रिया देत राज ठाकरेंवर टीका केली आहे. तर ठाकरे गटाचे नेते विनायक राऊत यांनी राज ठाकरेंच्या भूमिकेचे समर्थन करत शिंदे सरकारवर निशाणा साधला आहे. दुसरीकडे, रायगडमधील रोह्यात राष्ट्रवादीचे खासदार सुनील तटकरे आणि शिवसेनेचे महेंद्र दळवी यांच्यात राजकीय वाद उफाळून आला आहे. याचदरम्यान, मनसे लवकरच उद्धव ठाकरेंच्या शिवसेनेत विलीन होणार असल्याच्या चर्चांनाही उधाण आले आहे.