Mumbra Thane : दुर्दैवी घटना,पाचव्या मजल्यावरून कुत्रा अंगावर पडल्याने चिमुकलीचा मृत्यू

Mumbra Thane : दुर्दैवी घटना,पाचव्या मजल्यावरून कुत्रा अंगावर पडल्याने चिमुकलीचा मृत्यू

 ठाण्यातील मुंब्रा येथे एक धक्कादायक घटना पुढे आली आहे. येथील अमृत नगर येथे एक तीन वर्षांची मुलगी रस्त्यावरून जात असतांना शेजारी असलेल्या चिराग मेसन या इमारतीच्या पाचव्या मजल्यावरून एक कुत्रा थेट या मुलीच्या अंगावर येऊन पडला. या घटनेत मुलीचा जागीच मृत्यू झाला आहे. तर कुत्रा पाचव्या मजल्यावरून पडून देखील बचवला आहे. ही संपूर्ण घटना सीसीटीव्हीत कैद झाली आहे. या घटनेची हकीकत अशी की, एक तीन वर्षांची मुलगी ही तिच्या आई सोबत अमृतनगर येथून जात होती. यावेळी बाजूला असलेल्या चिराग मेसन इमारतीच्या ५ व्या मजल्यावरुन एक कुत्रा थेट खाली पडला. हा कुत्रा रस्त्यावरून जाणाऱ्या मुलीच्या अंगावर पडला. या घटनेत मुगली व कुत्रा दोन्ही जखमी झाले. मुलीला तातडीने दवाखान्यात नेण्यात आले. डॉक्टरांनी मुलीला तपासले असता, त्यांनी तिचा मृत्यू झाल्याचे घोषित केले. या घटनेतील कुत्रा मुलीच्या अंगावर पडल्याने गंभीर जखमी झाला. तो काहीवेळ रस्त्यावर पडून राहिला व थोड्याच वेळात उठून लंगडत चालू लागला. त्यांना देखील प्राणी रुग्णालयात नेण्यात आले आहे.