Rajkiya Aatishbaji 2025 | Kishor Jorgewar | संजय राऊत फुसका फटाका, देवेंद्र फडणवीस रॉकेट- जोरगेवार

चंद्रपूरचे आमदार किशोर जोरगेवार यांनी दिवाळीच्या फटाक्यांची खरेदी करताना राज्यातील प्रमुख नेत्यांवर मिश्किल टोलेबाजी केली आहे. यामध्ये त्यांनी संजय राऊत, देवेंद्र फडणवीस, रोहित पवार आणि विजय वडेट्टीवार यांचा उल्लेख केला. 'संजय राऊत हे दिसणाऱ्या लादेन बॉम्बसारखे मोठे आहेत, परंतु तो सगळा फुसका बार आहे', असे वक्तव्य जोरगेवार यांनी केले. देवेंद्र फडणवीस यांची तुलना त्यांनी लक्ष्यावर जाऊन आवाज करणाऱ्या 'रॉकेट बॉम्ब'शी केली. तर, राष्ट्रवादीचे आमदार रोहित पवार हे 'फॅन्सी फटाक्यां'सारखे नवीन गोष्टी करतात, पण त्यातून काही निष्पन्न होत नाही, असे ते म्हणाले. विरोधी पक्षनेते विजय वडेट्टीवार यांना चुकीच्या वेळी आणि चुकीच्या ठिकाणी फुटणाऱ्या 'टू-साऊंड' फटाक्याची उपमा दिली, जे ओबीसी आंदोलनावर वेगवेगळ्या ठिकाणी वेगवेगळी भूमिका घेतात.