Extortion Racket: 'तुमच्या मुलाच्या जीवाला धोका', Mira Road मध्ये School Bus मालकाकडूनच 4 लाखांची खंडणी

Mira Road मधील Kashimira परिसरात एक धक्कादायक प्रकार समोर आला आहे, जिथे St. George School च्या विद्यार्थ्यांची वाहतूक करणाऱ्या खाजगी बस मालकानेच पालकांकडून खंडणी वसूल करण्याचा प्रयत्न केला. 'तुमच्या मुलाच्या जीवाला धोका आहे आणि जर तो धोका टाळायचा असेल तर त्यांना चार लाख रुपये खंडणी द्यावी लागेल,' असा धमकीवजा मेसेज आरोपी पालकांना WhatsApp वर पाठवायचा. विद्यार्थ्यांचे फोटो पाठवून जीवे मारण्याची धमकी देत, आरोपीने चार लाखांच्या खंडणीची मागणी केली. या प्रकरणी पीडित पालकांनी Kashimira पोलिसांत तक्रार दाखल केल्यानंतर, पोलिसांनी वेगाने सूत्रे हलवली. पोलिसांनी अवघ्या चोवीस तासांत आरोपी सदानंद बाबुराव पत्री याच्या मुसक्या आवळल्या. पोलिसांनी शाळा प्रशासनाला बस चालकांची चारित्र्य पडताळणी (Character Verification) करून घेण्याचे महत्त्व अधोरेखित केले आहे.