Meenatai Thackeray Statue Vandalism | शिवाजी Park वरील पुतळ्याला लाल रंग, Uddhav-Raj Thackeray आक्रमक

दादरच्या शिवाजी Park येथील स्वर्गीय मीनाताई ठाकरे यांच्या पुतळ्याला काल रात्री कोणीतरी लाल रंग टाकण्याचा प्रयत्न केला. आज सकाळी ही घटना उघडकीस आल्यानंतर परिसरात तणावपूर्ण शांतता पसरली आहे. पोलिसांनी या प्रकरणी अज्ञात व्यक्तीविरोधात गुन्हा दाखल केला असून, परिसरातील CCTV फुटेजच्या आधारे आरोपींचा शोध सुरू आहे. या घटनेनंतर उद्धव ठाकरे आणि राज ठाकरे यांनी पुतळ्याची पाहणी केली. उद्धव ठाकरे यांनी हे कृत्य करणाऱ्यांना 'ज्याला आपल्या आई वडिलांचं नाव घ्यायची लाज वाटते अशा समाजकंटकाने' केले असल्याचे म्हटले आहे. तसेच, 'हा महाराष्ट्र पेटविण्याचा डाव' असल्याचा आरोपही त्यांनी केला. राज ठाकरे यांनी पोलिसांना २४ तासांत आरोपींना अटक करण्याच्या सूचना दिल्या आहेत. या घटनेचा राजकीय नेत्यांनी निषेध करत कठोर कारवाईची मागणी केली आहे. पुतळ्याची तात्काळ साफसफाई करण्यात आली आहे.