Majha Gaon Majha Jilha : माझं गाव, माझा जिल्हा : Superfast News : 29 August 2024

Majha Gaon Majha Jilha : माझं  गाव, माझा जिल्हा : Superfast News : 29 August 2024
मनोज जरांगे १ सप्टेंबरला राजकोटला जाणार, छत्रपती शिवाजी महाराजांच्या कोसळलेल्या पुतळ्याची करणार पाहणी, तर शिवरायांच्या कोसळलेल्या पुतळ्याबाबत कुणीही राजकारण करू नये, जरांगेंचं आवाहन.
छत्रपतींचा पुतळा कसा कोसळला याची सखोल चौकशी करून दोषी असणाऱ्याला कायमचं जेलमध्ये टाका, अन्यथा याचे सरकारला परिणाम भोगावे लागतील. मनोज जरांगे यांचा सरकारला इशारा.
सर्वोच्च न्यायालयाने अनुसूचित जाती जमातीतील उपवर्गीकरणास दिलेल्या मान्यतेच्या विरोधात  जळगावमध्ये निदर्शनं, हा निर्णय संविधानविरोधी असल्याचं आंदोलकांचं मत.
वर्ध्यात शेतकरी, शेतमजुरांच्या मागण्यांसाठी जिल्हाधिकारी कार्यालयाजवळ शिदोरी आंदोलन, शेतमालाला भाव, कर्जमाफी, थकीत विजबिलाची माफी, युवकांना रोजगार या मागण्यांसाठी आंदोलन.
परभणीत रस्त्यासाठी गावकऱ्यांचं कार्यकारी अभियंत्यांच्या दालनात आंदोलन, मानवत तालुक्यातील पाळोदी ते मंगरूळ रस्त्यासाठी लोहरा ग्रामस्थांचा अभियंत्यांच्या दालनात ठिय्या.
काँग्रेसकडून चिमूर तहसील कार्यालयावर शेतकऱ्यांच्या विविध मागण्यांसाठी आक्रोश मोर्चा. बालाजी मंदिरापासून निघालेल्या या मोर्चात मोठ्या प्रमाणात शेतकरी आणि शेतमजूर सहभागी.