Maharashtra Politics: 'एकट्या NCP-Shiv Sena वर अवलंबून नाही', Congress नेते Harshwardhan Sapkal यांचे स्वबळाचे संकेत

महाराष्ट्रातील आगामी स्थानिक स्वराज्य संस्थांच्या निवडणुकीच्या पार्श्वभूमीवर राजकीय वातावरण तापले आहे. काँग्रेस (Congress), भाजप (BJP) आणि राष्ट्रवादी काँग्रेसमधील (NCP) अजित पवार (Ajit Pawar) गट स्वबळाची भाषा बोलू लागले आहेत. 'इंडिया अलायन्स (INDIA Alliance) काही एकट्या काँग्रेस, शिवसेना आणि राष्ट्रवादीपुरता मर्यादित नाही,' असे सूचक वक्तव्य काँग्रेस प्रदेशाध्यक्ष हर्षवर्धन सपकाळ (Harshwardhan Sapkal) यांनी केले आहे. येत्या १२ नोव्हेंबरला आघाडीबाबत अंतिम निर्णय होणार असल्याचेही त्यांनी स्पष्ट केले. दुसरीकडे, मुख्यमंत्री देवेंद्र फडणवीस (Devendra Fadnavis) आणि मुंबई भाजप अध्यक्ष अमित साटम (Amit Satam) यांनी राष्ट्रीय स्वयंसेवक संघाच्या (RSS) पदाधिकाऱ्यांसोबत बैठक घेऊन निवडणुकीची रणनीती आखली आहे. तर पुण्यात अजित पवार यांनीही स्वतंत्र लढण्याचे संकेत दिल्याने महाविकास आघाडी आणि महायुती या दोन्ही आघाड्यांमध्ये जागावाटपावरून संघर्ष निर्माण होण्याची चिन्हे आहेत.