Election Vote List Scam : आरोपांच्या फैरी चौकशीची तयारी, मतदार यादीत घोळ?

देशपातळीवर राहुल गांधी (Rahul Gandhi) आणि राज्यात राज ठाकरे (Raj Thackeray) यांनी मतदार याद्यांमधील (Voter Lists) घोळावरून निवडणूक आयोगावर (Election Commission) गंभीर आरोप केले आहेत. 'निवडणूक जाहीर होते आणि त्याच्या चार दिवसांमध्ये साडे सहा लाख मतदार वाढतात कसे?' असा थेट सवाल काँग्रेसने (Congress) उपस्थित केला आहे. या आरोपांनंतर निवडणूक आयोगाने चौकशीचे आदेश दिले असून, राज्याचे मुख्य निवडणूक अधिकारी एस. चोक्कलिंगम (S. Chockalingam) यांनी जिल्हाधिकाऱ्यांकडून अहवाल मागवला आहे. शिर्डीतील यादीतून फोटो गायब होणे, एकाच व्यक्तीची अनेक ठिकाणी नोंद असणे, आणि नागपुरात एकाच घरी २०० मतदार असण्यासारखे आरोप विरोधकांनी केले आहेत. यावर निवडणूक आयोगाने तांत्रिक चुकांमुळे नावे वगळण्यास उशीर झाल्याचा दावा केला आहे. दुसरीकडे, मनसेने (MNS) केवळ तक्रार केलेल्या ठिकाणीच नव्हे, तर संपूर्ण महाराष्ट्रात सरसकट सर्वेक्षण करण्याची मागणी केली आहे, तर सत्ताधाऱ्यांनी आयोगाची भूमिका पारदर्शक असल्याचे म्हटले आहे.