Latur Crime : सुपर मार्केटमध्ये 65 हजारांवर डल्ला; मोबाईल स्क्रीन सेव्हरमुळे चोर गडाआड

गुन्हेगार स्वत:ला कितीही हुशार समजत असला तरी तो पोलिसांच्या तावडीत सापडतोच. अशीच एक घटना घडलीय लातूरात...चक्क मोबाईलच्या स्क्रीनमुळं पांडुरंग शिंगडे नावाचा चोरटा गजाआड झालाय. त्यानं लातूरच्या औसा रोड वरील मधुबन सुपर मार्केटमध्ये चोरी करण्याचा डाव आखला. सीसीटीव्हीत कैद झाल्यास ओळखू येऊ नये म्हणून पुरेपुर खबरदारीही घेतली. मात्र गल्ल्यातील 65 हजार रुपये मोजण्यासाठी त्यानं मोबाईल चालू केला, मात्र इथच तो फसला.  कारण यावेळी मोबाइल चा स्क्रीन सेव्हर सीसीटीव्हीत कैद झाला. पाच दिवसानंतर दारु पिऊन गोंधळ घातल्याप्रकरणी त्याला पोलिसांनी ताब्यात घेतलं. त्याचवेळी त्याच्या मोबाईलवरील स्क्रीन सेव्हर पोलिसांच्या नजरेला पडले. आणि त्याच्या भांडोफाड झाला.