Women's World Cup Final: महिला वन डे विश्वचषक फायनल,पाऊस थांबला, सामना लवकरच सुरू

नवी मुंबईच्या डी वाय पाटील स्टेडियमवर (DY Patil Stadium) होणाऱ्या भारत (India) आणि दक्षिण आफ्रिका (South Africa) महिला विश्वचषक अंतिम सामन्याबद्दल एक मोठी अपडेट समोर आली आहे. पावसामुळे थांबलेला हा सामना आता लवकरच सुरू होणार आहे. या सामन्यात एकाही ओव्हरचा खेळ वाया जाणार नाही, पूर्ण पन्नास षटकांचा सामना खेळवला जाणार आहे, ही सर्वात दिलासादायक बातमी आहे. पंचांनी मैदानाचा आढावा घेतल्यानंतर हा निर्णय जाहीर केला. ताज्या माहितीनुसार, सामन्याची नाणेफेक ४ वाजून ३२ मिनिटांनी होईल आणि ठीक ५ वाजता सामन्याला सुरुवात होईल. पावसामुळे सामन्यावर अनिश्चिततेचे सावट होते, पण आता पाऊस थांबल्याने क्रिकेट चाहत्यांमध्ये उत्साहाचे वातावरण आहे.