Dapodi Hit and Run Special Report : पुण्यातील पोलिसांची सुरक्षा रामभरोसे

Dapodi Hit and Run Special Report : पुण्यातील पोलिसांची सुरक्षा रामभरोसे अमली पदार्थांच माहेरघर बनलेलं पुणे मधल्या काळात कोयता गँग आणि गाड्याच्या तोडफोडीवरूनही दहशतीत आहे... मात्र आता ज्यांच्यावर जर्वसामान्य जनतेचं रक्षण करण्याची जबाबदारी आहे, त्या पुणे पोलिसांचीच सुरक्षा रामभरोसे झालीय का? असा सवाल आता विचारला जातोय... पाहूयात... कोयता गँग, गाड्यांची तोडफोड, मारहाण  आणि हिट ॅण्ड रनसारख्या वारंवार घडणाऱ्या  घटनांनी एरवी पुणेकरांची सुरक्षा रामभरोसे  आहे का? असं विचारलं जात होतं... मात्र  आता त्यात भर पडून पुण्यातील पोलिसांचीच   सुरक्षा रामभरोसे झालीय का? असा सवाल  आता विचारला जातोय... कारण सिंहगड रोडवरील धायरी येथील रहदारीच्या रस्त्यावर चक्क पोलिसाला धमकावण्यात आलंय. मी कोण आहे माहीत नाही, तू नोकरी कशी करत तेच बघतो... असं म्हणत ड्युटीवर असलेले पोलीस अंमलदार ऋषिकेश गायकवाड यांना दोणांनी मारहाण केलीय... याप्रकरणी मंगेश फडके आणि बापू दळवीविरोधात गुन्हा दाखल झालाय. ही तर झाली सिंहगड रोडची घटना... मात्र  याआधीही लक्ष्मी रोडवरील बुधवार चौकात  चक्क ड्युटीवरील अधिकाऱ्यासह पोलीस महिलेला  पेट्रोल टाकून जाळण्याचा प्रयत्न करण्यात आला.  धक्कादायक म्हणजे आरोपीच्या हातातला लायटर  इतर पोलिसांनी पकडल्याने मोठा अनर्थ होता  होता टळला... सोमवारी दापोडीत गस्तीवर असलेल्या दोन   पोलिसांना एका भरधाव कारने जोरदार धडक   दिली. या अपघातात पोलीस हवालदार समाधान   कोळी यांचा मृत्यू झाला तर पोलीस शिपाई   संजोग शिंदे गंभीररित्या जखमी झाले...