Pune Land Scam: 'चौकशीचे आदेश दिलेत', पार्थ पवारांच्या जमीन व्यवहारावर CM फडणवीसांची थेट भूमिका

पुण्यातील कोरेगाव पार्क येथील कथित जमीन गैरव्यवहार प्रकरणी मुख्यमंत्री देवेंद्र फडणवीस (Devendra Fadnavis) यांनी गंभीर दखल घेतली असून, या प्रकरणाच्या चौकशीचे आदेश दिले आहेत. उपमुख्यमंत्री अजित पवार (Ajit Pawar) यांचे पुत्र पार्थ पवार (Parth Pawar) यांच्या कंपनीवर हे आरोप आहेत. ‘महसूल विभाग, आयजीआर आणि लँड रेकॉर्डस्, या संदर्भातली सगळी माहिती मी मागवलेली आहे आणि योग्य ते चौकशीचे आदेश देखील मी दिलेले आहेत,’ असे मुख्यमंत्री फडणवीस यांनी स्पष्ट केले आहे. चौकशीनंतर योग्य ती कारवाई केली जाईल आणि उपमुख्यमंत्री अजित पवार अशा प्रकरणांना पाठीशी घालणार नाहीत, असेही ते म्हणाले. या प्रकरणात 'महार वतन' जमिनीचा समावेश असल्याचा आरोप असून, सुमारे १८०० कोटी रुपयांची जमीन कमी दरात घेतल्याचा दावा विरोधकांनी केला आहे, ज्यामुळे पार्थ पवार यांच्या अडचणीत वाढ होण्याची शक्यता वर्तवण्यात येत आहे.