CIDCO : जानेवारीत सिडकोकडून नवी मुंबईत पाच हजार घरांसाठी लॉटरी, मंत्री एकनाथ शिंदेंची माहिती

तुम्ही नवी मुंबईत घर खरेदी करण्याचा विचार करत असाल तर तुमच्यासाठी एक उत्तम संधी चालून आली आहे. कारण सिडकोकडून नवी मुंबईत पाच हजार घरांच्या ‘महागृहनिर्माण’ योजनेची लॉटरी प्रक्रिया जानेवारीत सुरू करण्यात येणार आहे. नगरविकास मंत्री एकनाथ शिंदे यांनी ट्विट करून ही माहिती दिली आहे. या घरकुल योजनेतली घरं अत्यल्प उत्पन्न गट, आणि अल्प उत्पन्न गटांतील नागरिकांसाठी असणार आहेत. घणसोली, खारघर, कळंबोली, तळोजा आणि द्रोणागिरी येथे सर्वसामान्यांना परवडणाऱ्या दरात ही घरं उपलब्ध होणार आहेत. त्यामुळं नवीन वर्षात अनेक कुटुंबांचं आपल्या हक्काच्या घराचं स्वप्न साकार होणार आहे.