Land Row: 'माझा त्या गोष्टीशी संबंध नाही', पार्थ पवार जमीन प्रकरणी अजित पवारांचा यू-टर्न?

उपमुख्यमंत्री अजित पवार (Ajit Pawar) आणि त्यांचे पुत्र पार्थ पवार (Parth Pawar) यांच्याशी संबंधित पुणे जमीन व्यवहार (Pune Land Deal) प्रकरणावरून राजकीय वादळ निर्माण झाले आहे. ‘माझा त्या गोष्टीशी डायरेक्ट अजित पवार म्हणून दूरान्वयादेखील संबंध नाही,’ असे म्हणत अजित पवारांनी या व्यवहाराबद्दल कोणतीही माहिती नसल्याचे म्हटले आहे. विशेष म्हणजे, काही महिन्यांपूर्वी अशा व्यवहाराची माहिती कानावर आली असता, 'असं काहीही चुकीचं केलेलं मला चालणार नाही' अशी स्पष्ट सूचना दिल्याचे त्यांनी सांगितले होते. मात्र, आता त्यांनी या प्रकरणात आपल्याला काहीही माहिती नसल्याचा दावा केल्याने, त्यांनी या विषयावर यू-टर्न घेतला आहे का, अशी चर्चा सुरू झाली आहे. या वादग्रस्त व्यवहारानंतर चौकशीसाठी एक समिती स्थापन करण्यात आली असून, व्यवहार रद्द करण्यात आल्याचे अजित पवारांनी घोषित केले आहे.