ब्रेकफास्ट न्यूज : मुंबईकरांचं पाणी महागलं, पाणीपट्टीत 3.72 टक्के वाढ

आधीच महामागीमुळे त्रस्त असलेल्या मुंबईकरांना महापालिकेने आणखी एक धक्का दिलाय. मुंबई महापालिकेने पाणीपट्टीत ३.७२ टक्के वाढ करण्याचा निर्णय घेतला आहे. पाणीपट्टीतील ही वाढ संपूर्ण शहरासाठी लागू असणार आहे. उद्यापासून ही दरवाढ लागू होणार आहे. पाणीपट्टीत ३.७२ टक्के वाढ झाल्यानंतर झोपडपट्टीतील पाणीदरात प्रती हजार लिटर्सचा दर ४.०८ रुपयांवरून ४.२३ रुपये होणार आहे तर अन्य घरगुती वापरातील पाण्याच्या दरात ४.९१ रुंपयावरून ५.०९ रुपये, व्यावसायिक दरात ३६.८८ रुपयांवरून ३८.२५ रुपये वाढ होणार आहे. या दरवाढीवर ७० टक्के मलनि:सारण शुल्कही आकारले जाणार आहे.