Zero Hour Nirajan Dawakhre : पक्षाच्या बैठकीत स्वबळाचा कोणताही निर्णय झाला नाही

ठाणे महानगरपालिका निवडणुकीच्या पार्श्वभूमीवर भाजपच्या (BJP) गोटात हालचालींना वेग आला असून, नेते निरंजन डावखरे (Niranjan Davkhare) आणि आमदार संजय केळकर (Sanjay Kelkar) यांच्या उपस्थितीत झालेल्या बैठकीनंतर महायुतीमधील (Mahayuti) राजकारण तापले आहे. 'ठाण्याचा महापौर हा भारतीय जनता पार्टीचा असला पाहिजे, ही कार्यकर्त्यांची इच्छा आहे', असे आमदार संजय केळकर यांनी म्हटले असल्याचे डावखरे यांनी सांगितले. ही केवळ संघटनात्मक बैठक होती आणि स्वबळावर लढण्याचा कोणताही निर्णय झाला नाही, असे स्पष्टीकरण डावखरे यांनी दिले असले तरी, 'अब की बार ७० पार' या घोषणेमुळे स्थानिक राजकारणात खळबळ उडाली आहे. सध्याच्या २३ नगरसेवकांवरून ७० पेक्षा जास्त नगरसेवक निवडून आणण्याचे लक्ष्य ठेवण्यात आले आहे. या सर्व घडामोडींवर अंतिम निर्णय राज्याचे नेतेच घेतील, असेही डावखरे यांनी स्पष्ट केले, मात्र या शक्तिप्रदर्शनामुळे महायुतीतील जागावाटपाचा तिढा वाढण्याची चिन्हे आहेत.