Ravindra Dhangekar Not Reachable : रवींद्र धंगेकरांवर अटकेची टांगती तलवार, प्रकरण काय? | Special Report

पुण्यात सुरु असणाऱ्या एका बांधकाम प्रकल्पासाठी एक व्यावसायिक कर्ज घेतो. या प्रकल्पात काही राजकीय नेते त्याचे पार्टनर असतात. त्यानंतर या प्रकल्पाला स्थगिती मिळते आणि घेतलेलं कर्ज फेडणं त्या व्यावसायिकाला अशक्य होतं. कर्जाचा बोजा वाढत चालल्याचं कारण देत व्यावसायिक आपलं आयुष्य संपवतो. आणि त्यापूर्वी केलेल्या व्हिडिओत काही राजकीय नेत्यांची नावं घेतो. आता या राजकीय नेत्यांवरचं संकट वाढायला सुरुवात होते आणि त्यातला एक नेता नॉट रिचेबल झाल्याची चर्चा जोर धरते. पुण्यातल्या या प्रकरणात नेमकं काय घडतंय, याचा आढावा घेऊया या स्पेशल रिपोर्टमधून. 

पुणे बांधकाम व्यावसायिक खलील शेख आत्महत्या प्रकरणात माजी आमदार रवींद्र धंगेकर यांच्या अडचणीत आणखी वाढ झाली आहे. 

या प्रकरणी स्वारगेट पोलीस ठाण्यात गुन्हा दाखल झाल्यानंतर रवींद्र धंगेकर आणि त्यांची पत्नी नॉट रिचेबल झाल्याची चर्चा आहे. 

दरम्यान, अटकेची शक्यता लक्षात घेऊन धंगेकरांनी अटकपूर्व जामिनासाठी न्यायालयात अर्ज दाखल केला असून, या अर्जावर सोमवारी सुनावणी होणार आहे.