Navi Mumbbai : 15 लाखांची लाच मागितली, आठ लाख स्वीकारले; GST उपायुक्तावर गुन्हा दाखल
GST Deputy Commissioner Arrested : माझगाव येथील विक्रीकर विभागातील उपायुक्त दीपक क्षीरसागर यांच्यावर गुन्हा दाखल करण्यात आला आहे. नवी मुंबई लाचलुचपत प्रतिबंधक विभागाने त्यांच्यावर कारवाई केली होती.
GST Bribe Case Navi Mumbai : जीएसटी स्कुटनी आणि जीएसटी क्रेडिटच्या नोटीसची चौकशी थांबवण्यासाठी 15 लाखांची मागणी करून 8 लाख रुपयांची लाच उकळल्याप्रकरणी राज्यकर उपायुक्त दीपक क्षीरसागर यांना अटक करण्यात आली आहे. नवी मुंबई लाचलुचपत प्रतिबंधक विभागाने (ACB) ही धडक कारवाई करत त्यांना माझगाव येथील विक्रीकर विभागाच्या कार्यालयातून ताब्यात घेतले.
तपासादरम्यान, कोकण भवन (बेलापूर) येथील विक्रीकर विभागात सहायक आयुक्त पदावर कार्यरत असताना त्यांनी ही लाच स्वीकारल्याचे निष्पन्न झाले आहे. याप्रकरणी सीबीडी बेलापूर पोलीस ठाण्यात गुन्हा दाखल करण्यात आला आहे.
GST Deputy Commissioner Bribe Case : 15 लाखांची मागणी अन् 8 लाखांवर तडजोड
मिळालेल्या माहितीनुसार, आरोपी दीपक क्षीरसागर यांनी बजावलेल्या एका जीएसटी स्कुटनी आणि जीएसटी क्रेडिट नोटीसची चौकशी थांबवण्यासाठी तक्रारदाराकडे 15 लाख रुपयांच्या लाचेची मागणी केली होती. तक्रारदारासोबत तडजोड करून त्यांनी 8 लाख रुपये लाच म्हणून स्वीकारल्याचा आरोप तक्रारदाराने केला होता.
GST Deputy Commissioner ACB Action : चौकशीत दोष सिद्ध होताच माझगावमधून अटक
तक्रारदाराच्या अर्जावरून नवी मुंबई लाचलुचपत प्रतिबंधक विभागाचे पोलीस उपअधीक्षक धर्मराज सोनके यांच्या मार्गदर्शनाखाली या प्रकरणाची सखोल चौकशी सुरू होती. चौकशी दरम्यान दीपक क्षीरसागर यांनी 8 लाख रुपयांची लाच घेतल्याचे निष्पन्न झाल्यानंतर मंगळवारी लाचलुचपत प्रतिबंधक पथकाने माझगाव येथील विक्रीकर भवन कार्यालयात छापा टाकून त्यांना ताब्यात घेतले आणि बेलापूर पोलीस ठाण्यात गुन्हा दाखल करून अधिकृत अटक केली.
ही बातमी वाचा:
महत्त्वाच्या बातम्या
