Mumbai Monorail Accident : मोनोरेलचा कारभार, अडचणींचा सिग्नल? Special Report

मुंबईत चेंबूर ते वडाळा (Chembur to Wadala) मार्गावर मोनोरेलच्या (Mumbai Monorail) चाचणी दरम्यान झालेल्या अपघातामुळे पुन्हा एकदा सुरक्षेचा प्रश्न ऐरणीवर आला आहे. वडाळा डेपोजवळ एका नव्या रेकची चाचणी सुरु असताना हा अपघात झाला. 'हा अपघात आहे सरळ, सरळ... महामुंबई मेट्रो प्रशासनाला हे जो चालवायला दिलेला आहे यांना कोणताही पूर्वानुभव नसतानादेखील चालवायला दिलेलं आहे हे फार मोठा अपयश आहे', असा आरोप करत प्रशासनाच्या मॉक ड्रिलच्या दाव्यावर प्रश्नचिन्ह निर्माण करण्यात आले आहे. घटनेच्या वेळी मोनोरेलचा पुढचा डबा रुळ सोडून बाहेर आला, पण सुदैवाने खांबावर अडकल्याने मोठी दुर्घटना टळली. या अपघातानंतर, MMRDA ने स्पष्टीकरण देताना हा अपघात नसून, आपत्कालीन परिस्थिती हाताळण्यासाठी केलेला एक 'मॉक ड्रिल' होता असे म्हटले आहे. मात्र, या घटनेमुळे मोनोरेलच्या कारभारावर आणि प्रवाशांच्या सुरक्षेवर गंभीर प्रश्न निर्माण झाले आहेत.