Mumbai-Ahmedabad Highway Traffic : मुंबई-अहमदाबाद महामार्ग जाम, विद्यार्थ्यांची आठ तासांची कोंडी Special Report

Mumbai-Ahmedabad राष्ट्रीय महामार्गावरील भीषण वाहतूक कोंडीमुळे शारदाश्रम शाळा आणि मदर टेरेसा कॉलेजचे ५०० हून अधिक विद्यार्थी, शिक्षक तब्बल आठ ते दहा तास बसमध्ये अडकून राहिले. पालकांनी आणि शिक्षकांनी प्रशासन, वाहतूक पोलीस, मनसे अध्यक्ष Raj Thackeray आणि भाजपा नेते Vinod Shelar यांना मदतीसाठी संपर्क केला. एका पालकाने संतप्तपणे म्हटलं, 'हे गव्हर्नमेंटचं फेल्युअर आहे.' स्थानिक प्रशासन, राजकीय कार्यकर्ते आणि नागरिकांच्या मदतीने अखेर विद्यार्थ्यांची सुटका झाली. ठाणे-घोडबंदर मार्गावरील रस्त्याच्या दुरुस्तीमुळेही कोंडी वाढली आहे. रुग्णवाहिका, जीवनावश्यक वस्तू वाहून नेणाऱ्या गाड्यांनाही फटका बसला. नागरिकांनी प्रशासनाच्या नियोजनशून्यतेवर आणि मंत्र्यांसाठी वेगळ्या नियमांवर नाराजी व्यक्त केली. आता सरकारने कायमस्वरूपी उपाययोजना कराव्यात, अशी मागणी जोर धरतेय.