Eknath Shinde Delhi Visit to Meet Amit Shah : दिल्लीवारीचं कारण विस्तार की राजकारण? Special Report

राज्याच्या राजकारणात आणखी एका विषयाची सध्या चर्चा आहे... शिवसेनेच्या खासदारांची संख्या १३ झाल्यानंतर आता केंद्रात त्यांना आणखी एक कॅबिनेट मंत्रिपद मिळेल, असं सांगितलं जातंय. या पार्श्वभूमीवर उपमुख्यमंत्री एकनाथ शिंदे आज संध्याकाळी दिल्लीला गेलेत... विशेष म्हणजे अलिकडेच पक्षात आलेले ६ खासदारही त्यांच्यासोबत आहेत...  मुंबईतून निघण्यापूर्वी त्यांनी आपल्या बंगल्यावर एक महत्त्वाची बैठक घेतलीये. या दोन घटनांचं कनेक्शन जोडलं, तर शिंदेंच्या या दिल्लीवारीच्या कारणांचा उलगडा होऊ शकेल... नेमकं काय घडतंय, बघुयात या रिपोर्टमध्ये...  

उपमुख्यमंत्री एकनाथ शिंदे जेव्हा-जेव्हा दिल्लीला जातात... तेव्हा तो चर्चेचा विषय होतो... 

कधी ऑपरेशन टायगर होणार असल्याची हवा होते, तर कधी संभाव्य मंत्रिमंडळ विस्तारात मिळणाऱ्या नवीन संधीची...

त्यामुळे मंगळवारी शिंदेंनी मुंबईहून दिल्लीची फ्लाईट पकडल्यावर चर्चा तर होणारच... 

सकाळी मंत्रिमंडळाची बैठक आटोपल्यानंतर शिंदे राजधानीमध्ये डेरेदाखल झाले... 

मात्र तत्पूर्वी त्यांनी आपल्या नंदनवन बंगल्यावर एक महत्त्वाची बैठक घेतल्यामुळे त्यांच्या दिल्ली दौऱ्याचं महत्त्व वाढलंय... 

आपल्या या धावत्या दिल्ली भेटीत शिंदे कुणाकुणाला भेटणार, याबाबत गुप्तता पाळण्यात आली असली तरी... 

केंद्रीय गृहमंत्री अमित शहा यांची, नव्यानं पक्षात आलेल्या खासदारांसह शिंदे भेट घेणार असल्याचं समजतंय...

दिल्ली दौरा नेमका कशासाठी आहे, हे त्यांच्या सहकाऱ्यांनाही माहिती नाहीये, हे विशेष... 

स्वतः शिंदेंनी मात्र दिल्लीला निघण्यापूर्वी एनडीएला मजबूत करण्याचं काम करू, असं संदिग्ध उत्तर देणंच पसंत केलंय...