Teacher Student Case | शिक्षिकेच्या जामीन अर्जात नवा ट्विस्ट, विद्यार्थ्याने पाठवले 'प्रेमपत्र'!

मुंबईतील दादर येथील शाळेतील शिक्षिकेने विद्यार्थ्यासोबत गैरवर्तन केल्याच्या प्रकरणात एक नवा ट्विस्ट आला आहे. पॉक्सो कायद्यांतर्गत अटकेत असलेल्या शिक्षिकेने जामीन मिळवण्यासाठी न्यायालयात याचिका दाखल केली आहे. या याचिकेसोबत शिक्षिकेने अल्पवयीन विद्यार्थ्याने तिला पाठवलेले प्रेमपत्र, ईमेल्स, चॅटिंग आणि गिफ्ट्स असे पुरावे सादर केले आहेत. शिक्षिकेने कोर्टात दावा केला आहे की, ती विद्यार्थ्यासोबत तात्पुरत्या प्रेमसंबंधात होती. जामीन अर्जामध्ये असेही म्हटले आहे की, अल्पवयीन विद्यार्थी तिला 'पत्नी' म्हणायचा आणि 'किकी' व 'पुकी' या नावांनी बोलवायचा. विद्यार्थ्याने शिक्षिकेवर पंचतारांकित हॉटेलमध्ये नेऊन अत्याचार केल्याचा आरोप केला होता. या प्रकरणात शिक्षिका सध्या अटकेत असून तिच्यावर पॉक्सो अंतर्गत गुन्हा दाखल आहे. शिक्षिकेने सादर केलेल्या पुराव्यांमुळे या प्रकरणाला वेगळे वळण मिळाले आहे.